زرعی یونیورسٹی میں ڈیجیٹل ٹول فار پلانٹ ہیلتھ سسٹمز کے بارے ٹریننگ پروگرام کا انعقاد
ایم این ایس زرعی یونیورسٹی میں کیبی اور ایچ ای سی کے اشتراک سے ڈیجیٹل ٹول فار پلانٹ ہیلتھ سسٹمز کے بارے ٹریننگ پروگرام کا انعقاد کیا گیا، پروگرامز کا مقصد طلباء اساتذہ اور ریسرچرز کو کیبی کے زراعت کے مختلف آنلائن کورسز کے بارے آگہی تھا۔
ٹریننگ کے ریسورس پرسن ڈاکٹر نعیم اسلم نے بتایا کہ یہ شارٹ کورسز ریسورسز اور ڈیٹا جو دوسرے ممالک میں ادائیگی کے عوض دستیاب ہیں،جبکہ پاکستان میں کیبی اور ایچ ای سی کی خصوصی کاوش کی بدولت زراعت سے متعلقہ افراد کے لیے مفت دستیاب ہیں۔
کیبی نے ایچ ای سی کی ڈیجیٹل لائبریری میں ایک ملین سے زیادہ ریسورس مہیا کیا ہے۔
اس موقع پر پروفیسر ڈاکٹر شفقت سعید ڈین فیکلٹی آف ایگریکلچر نے کہا کہ یہ ساری معلومات زراعت کے متعلقہ لوگوں کے لیے کسی خزانہ سے کم نہیں ہے۔ ضرورت اس امر کی ہے کہ ان ریسورسز سے استفادہ کرتے ہوئے زراعت اور کسان کی بہتری کیلئے کام کیا جائے۔
ٹریننگ میں ڈاکٹر عبدالغفار، ڈاکٹر مقرب ،ڈاکٹر شکیل، ڈاکٹر مرزا عابد ،ڈاکٹر عثمان، ڈاکٹر عمارہ،مس شفا اور ایگریکلچر فیکلٹی کے طلباء وطالبات نے شرکت کی۔
