ڈائریکٹر سی سی آر آئی کو ستارہ پاکستان گولڈ میڈل ایوارڈ سے نوازا گیا
تحریک استحکام پاکستان فاؤنڈیشن کے صدر ذیشان بہادر خان چغتائی کی جانب سے قومی سطح پر ستارہ پاکستان گولڈ میڈل ایوارڈ کی تقریب 23مارچ کو نیشنل آڈیٹوریم شاہراہ قائداعظم روڈ لاہور میں منعقد ہوئی ، جس میں زندگی کے مختلف شعبہ جات سے وابستہ افراد کو بہترین کارکردگی دکھانے پر گولڈ میڈل سے نوازا گیا۔
تقریب میں ڈائریکٹر سنٹرل کاٹن ریسرچ انسٹیٹیوٹ ملتان ڈاکٹر زاہد محمود کو ان کی کپاس کی تحقیق وترقی میں نمایاں کرکردگی کی بنیاد پر انہیں ستارہ پاکستان گولڈ میڈل سے نوازا گیا۔
تقریب میں موجود وکلا، ڈاکٹرز، پروفیسرز، انجینئرز او رصحافیوں کو بھی ان کی انسانیت کی خدمات کے اعتراف میں ستارہ پاکستان گولڈ میڈ ل سے نوازا گیا۔
تفصیلات کے مطابق ڈائریکٹر سی سی آر آئی ملتان ڈاکٹر زاہد محمود کو کپاس کے تحقیقی میدان میں ان کی گرانقدر خدمات خاص کرپنجاب سیڈ کونسل کی جانب سے آئندہ سیزن میں ادارہ ہذاکی کپاس کی6اقسام کی منظوری کے علاوہ ادارہ کی کل 34 کپاس کی اقسام کی منظوری، کپاس کی گلابی سنڈی کے تدارک کے لئے بنائی گئی مشین پنک بول ورم مینیجر، کم خرچ اور ماحول دوست لیف ٹیکنالوجی، قدرتی رنگدار کپاس کی اقسام کی تیاری کے علاوہ کم پانی اور زیادہ درجہ حرارت میں اچھی اور کامیاب کپاس کی اقسام تیار کرنے پر انہیں ستارہ پاکستان گولڈ میڈل ایوارڈ سے نوازا گیا ہے
