پنجاب بھر کے ڈائریکٹر کالجز کا اہم اجلاس آج لاہور میں طلب کرلیا گیا

ڈائریکٹر پبلک انسٹرکشن پنجاب نے پنجاب کے نو کالجزڈویژنل ڈائریکٹرز کا اہم اجلاس آج جمعہ صبح دس بجے اپنے دفتر میں طلب کیا ہے۔

اجلاس میں جو نکات ایجنڈے پر بحث کے لیے رکھے گئے ہیں، ان میں تمام گریڈز میں پرموشن کے کیسز ،متوفی ملازمین کے خاندانوں کے لیے او ایس ڈی کی پوسٹوں اور ان کے لیے فنانشل اسسٹنٹس کے کیسز ،ریٹائرمنٹ کے نوٹیفکیشن اور اس کے طریقہ کار کے کیسز ،پرنسپلز کی خالی سیٹوں پر پینل سازی اور چار درجاتی فارمولے کی موجودہ صورتحال پر گفتگو کی جائے گی۔

تمام ڈائریکٹرز کو ایجنڈے کے مطابق ریکارڈز ساتھ لانے کی ہدایت بھی کی گئی ہے ۔