ڈائریکٹر پبلک ریلیشنز زکریا یونیورسٹی کا مستعفی ہونے کا فیصلہ

زکریا یونیورسٹی ملتان کے ڈائریکٹر پبلک ریلیشنز پروفیسر ڈاکٹر محمد طاہر نے اپنے عہدے پر کام کرنے سے معذرت کر لی ہے۔

ذرائع کے مطابق انہوں نے اس فیصلے سے وائس چانسلر کو تحریری طور پر آگاہ کرنے کا فیصلہ کیا ہے، یونیورسٹی انتظامیہ کو موصول ہونے والی اطلاع میں ذاتی وجوہات اور مصروفیات کے باعث ذمہ داریاں جاری نہ رکھ سکنے کا مؤقف اختیار کیا گیا ہے، تاہم اس معاملے پر حتمی فیصلہ وائس چانسلر کی جانب سے کیا جائے گا۔

واضح رہے کہ ڈاکٹر محمد طاہر اس وقت ڈائریکٹر انسٹی ٹیوٹ آف کمیونیکشن سٹیڈیز اور ڈائریکٹر سپورٹس کے فرائض کے ساتھ ساتھ لیپ ٹاپ سکیم کے فوکل پرسن کی ذمے داریاں بھی نبھارہے ہیں، کام کی زیادتی کی وجہ سے انہوں نے ایک عہدہ چھوڑنے کا فیصلہ کیا ہے ۔