واسا مسائل ضلعی افسران متحرک ہوگئے

ڈپٹی کمشنر ملتان عامر کریم خان کی ہدایت پر منیجنگ ڈائریکٹر واسا شہزاد منیر اور اسسٹنٹ کمشنر سٹی خواجہ عمیرمحمود نے حسین آگاہی کے علاقے میں نکاسی آب کی شکایت پر موقع کا دورہ کیا۔

ڈپٹی ڈائریکٹر سیوریج سنٹرل ڈویژن حافظ محمد وقاص، اسسٹنٹ ڈائریکٹر محمد عدیل اور الیکٹرونکس مارکیٹ کے صدر شیخ اکرم بھی ان کے ہمراہ تھے۔

ایم ڈی واسا اور اسسٹنٹ کمشنر نے حسین آگاہی میں روڈ پر سیوریج اوور فلو کی شکایت کا تفصیلی معائنہ کیا، اور اسسٹنٹ ڈائریکٹر نیو ملتان سیوریج سب ڈویژن کو جنوبی پنجاب کے الیکٹرونکس کے سب سے بڑے مرکز میں نکاسی آب کی شکایت کا ہنگامی بنیادوں پر ازالہ کرنے اور تمام ممکنہ دستیاب وسائل برؤے کار لانے کا حکم دیا ۔

انہوں نے اس دوران سیوریج لائن کی خصوصی صفائی کے لئے ہفتہ اور اتوار کی درمیانی شب سپیشل ٹیم کو ٹاسک دینے کی بھی ہدایت کی۔