پرائس کنٹرول مجسٹریٹس کو انسپکشن تیز کرنے کا حکم

ڈپٹی کمشنر ملتان عامر کریم خاں کی ہدایت پر ضلعی انتظامیہ مہنگائی کنٹرول کرنے کیلئے سخت اقدامات پر عمل پیرا ہوگئی ہے، ڈپٹی کمشنر نے پرائس کنٹرول مجسٹریٹس کو انسپکشن تیز کرنے کا حکم بھی دیا ہے۔

ان خیالات کا اظہار انہوں نے گزشتہ روز پرائس کنٹرول مجسٹریٹس کے اجلاس کی صدارت کرتے ہوئے کیا۔
اجلاس میں ایڈیشنل ڈپٹی کمشنر جنرل رضوان نذیر نے بھی شرکت کی۔

ڈپٹی کمشنر عامر کریم خاں نے کہا کہ اشیاء خورد و نوش کے سرکاری ریٹس پر مکمل عملدرآمد کرایا جائے، جبکہ ناقص کارکردگی کے حامل مجسٹریٹس کے خلاف سخت ایکشن لیا جائے گا۔

انہوں نے کہا کہ عوام کو ریلیف دینے کیلئے بڑے ذخیرہ اندوزوں کے خلاف گھیرا تنگ کیا جائے۔

ڈپٹی کمشنر نے کہا کہ ناجائز منافع خوروں کو مقدمات اور حوالات کی سیر کرائی جائے۔

عامر کریم خاں کا کہنا تھا کہ پرائس کنٹرول کے حوالے سے صوبے بھر میں ملتان پانچویں نمبر پر ہے۔

اس موقع پر پرائس کنٹرول مجسٹریٹس کی کارکردگی کا جائزہ بھی لیا گیا۔