ڈسڑکٹ ون ڈے ناک آؤٹ کرکٹ چیمپین شپ

ملتان ڈسٹرکٹ کرکٹ ایسوسی ایشن کے زیر اہتمام جاری ملتان ڈسڑکٹ ون ڈے ناک آؤٹ کرکٹ چیمپین شپ کے سلسلہ میں کھیلے گئے میچ میں گلگشت گرین اینڈ وائٹ نے انصاف کرکٹ کلب ملتان کو 81 رنز سے ہرا دیا۔

گلگشت گرین اینڈ وائٹ نے پہلے کھیلتے ہوئے تمام کھلاڑیوں کے نقصان پر 237رنز بنائے بہرام 77 اورنگزیب 55، عذیمہ 26رنز بنائے، انصاف کلب کی طرف سے رانا عرفان تین عثمان اور عبدل رب نے دو دو وکٹ حاصل کیں۔

بعد میں کھیلتے ہوئے انصاف کلب تمام کھلاڑیوں کے نقصان پر 156رنز بناسکی، ضفیر 44، عبدالرب 27کبیر نے 24رنز بنائے گلگشت گرین اینڈ وائٹ کی طرف سے بلاول چار عثمان اور بہرام نے دو دو وکٹ حاصل کیں، مین آف دی میچ بہرام قرار پائے۔

دلشاد علی اور ندیم اقبال ایمپائرز عماد حسن سکورر تھے، آج القادر میموریل اور جناح کرکٹ کلب کے مابین میچ کھیلا جائے گا۔