گٹروں کے ڈھکن چوری روکنے کےلئے کباڑیوں کی مدد طلب کرلی گئی

ڈویژنل انتظامیہ نے گٹروں کے ڈھکن چوری روکنے کیلئے منفرد حکمت عملی اپنا لی۔

کمشنر ڈاکٹر ارشاد احمد نے ڈویژن کے انتظامی افسران کو کباڑیوں سے ملاقات کرنے کی ہدایت کرتے ہوئے کہا کہ انکو واضح کیا جائے کہ ڈھکن چور کی مدد کرنے، ڈھکن خریدنے بیچنے پر سخت کارروائی کی جائے گی۔

گٹر کے ڈھکن چوری کرنا، خرید وفروخت کرنا قانوناً جرم ہے۔

جرم کے مرتکب افراد کیخلاف اقدام قتل کا پرچہ درج ہوگا۔

سوشل میڈیا، الیکٹرانک و پرنٹ میڈیا پر موصول شکایات پر ایکشن لیا جارہا ہے۔

شہری 1334 پر کال کرکے شکایت درج کرواسکتے ہیں۔

علاوہ ازیں ڈویژن کے مختلف انتظامی افسران سے شہر کے کباڑیوں کے17وفود نے ملاقات کی۔