ڈاکٹر مسرور سبطین ملتان بورڈ کے گورنرز کے رکن مقرر
بورڈ آف انٹرمیڈیٹ اینڈ سیکنڈری ایجوکیشن ملتان نے ڈاکٹر مسرور سبطین، پرنسپل گورنمنٹ گریجویٹ کالج سول لائنز ملتان کو بورڈ آف گورنرز کا رکن مقرر کر دیا ہے۔
نوٹیفکیشن کے مطابق وزیر اعلیٰ پنجاب، بطور کنٹرولنگ اتھارٹی، نے ڈاکٹر مسرور سبطین کو ڈگری کالجز کے زمرے میں بورڈ کا رکن نامزد کیا ہے۔
یہ تقرری پنجاب بورڈز آف انٹرمیڈیٹ اینڈ سیکنڈری ایجوکیشن (ترمیمی) ایکٹ 2025 کی دفعہ 5(1)(vi) اور دفعہ 11 کے تحت عمل میں لائی گئی ہے۔
ڈاکٹر مسرور سبطین تین سالہ مدت کے لیے اس منصب پر فائز رہیں گے۔ ان کی مدتِ تعیناتی 23 فروری 2026 سے 22 فروری 2029 تک ہوگی یا کنٹرولنگ اتھارٹی کی منشا تک برقرار رہے گی۔
تعلیمی حلقوں نے ڈاکٹر مسرور سبطین کی تقرری کو خوش آئند قرار دیتے ہوئے امید ظاہر کی ہے کہ ان کے وسیع تدریسی و انتظامی تجربے سے بورڈ کے امور میں بہتری، شفافیت اور معیارِ تعلیم کے فروغ میں مثبت پیش رفت ہوگی۔
