نمل ملتان نے ڈاکٹر سعید احمد کھاکی کو شعبہ مینجمنٹ سائنسز کا سربراہ مقرر کردیا

وفاقی سرکاری نیشنل یونیورسٹی آف ماڈرن لینگویجز ملتان کیمپس نے ڈاکٹرسعید احمد کھاکھی کو شعبہ مینجمنٹ سائنسز کے سربراہ کا عہدہ تفویض کردیا۔

ڈاکٹرسعید احمد کھاکھی گزشتہ کئی سالوں سے یونیورسٹی سے منسلک ہیں، اورماضی میں بطورایگزام انچارج کے ساتھ ساتھ مختلف ذمہ داریاں احسن طریقہ سے سرانجام دے رہے ہیں۔

ان کی تعیناتی پر ریجنل ڈائریکٹر نمل ملتان بریگیڈیئر اسد رضا ، اسسٹنٹ ڈائریکٹر مس امبرساجد، ڈاکٹر راؤ اکمل علی، پروفیسرمحسن خان، ڈاکٹر اکبر ساجد اور دیگر پروفیسر صاحبان نے انہیں مبارکباد دی، اور ان کی تعیناتی کوخوش آئند قراردیا۔

ریجنل ڈائریکٹر بریگیڈیئر اسد رضا نے کہا ہے کہ ڈاکٹرسعید احمد کھاکھی کی تعیناتی شعبہ مینجمنٹ سائنسز کیلئے کسی نعمت سےکم نہیں ہے۔