زکریا یونیورسٹی میں منشیات کا ریکٹ پکڑا گیا، طالبعلم سے چرس اور رقم برآمد ، گاہکوں کی تلاش شروع

زکریا یونیورسٹی میں منشیات فراہمی کا ریکٹ پکڑ گیا۔

گزشتہ سیکورٹی عملے نے شعبہ ماس کمیونیکیشن کے طالب علم ابوبکر اور ماڈل ٹاون کے رہائشی حسیب کو رنگے ہاتھو ں پکڑلیا، جامعہ تلاشی لینے پر ابوبکر سے چرس کے تین چھوٹے پیکٹ پکڑے گئے جو سپلائی کےلئے تیار کئے گئے تھے ۔
جبکہ حسیب سے 20ہزار روپے برآمد ہوئے۔

ذرائع کا کہنا ہے کہ ابوبکر نے اپنے جرم کااعتراف کرتے ہوئے دیگرافراد کے نام بتانےکی یقین دہانی کرائی ہے، اور تمام معاملہ اپنے سرلے لیا ہے اور حسیب کو اس معاملے سے الگ رکھا ہے۔

تاہم سیکورٹی نے تفتیش جاری رکھی ہوئی ہے ، ایک اور ذرائع کا کہنا ہے کہ مزید معلومات کی فراہمی کےلئے دونوں افراد کو ضمانت کے بعد گھر جانے کی اجازت دی گئی ہے

دوسری طرف سیکورٹی حکام کا کہنا ہے کہ یونیورسٹی میں امن وامان قائم رکھنے کے لئے تمام اقدامات اٹھائے جائیں گے، یونیورسٹی کو جھگڑوں سے اور منشیات سے پاک کیا جائے گا۔