پرنٹ اور الیکٹرانک میڈیا اپنا بھرپور کردار ادا کرتا رہا ہے : فاروق لطیف

ڈسٹرکٹ سپورٹس آفیسر ملتان فاروق لطیف نے کہا ہے کہ کھیلوں کے فروغ اور کھلاڑیوں کی حوصلہ افزائی کے لیے پرنٹ اور الیکٹرانک میڈیا اپنا بھرپور کردار ادا کرتا رہا ہے، صحافی حضرات اپنے فرائض احسن طریقے سے سرانجام دے رہے ہیں۔

سپورٹس جرنلسٹس ایسوسی ایشن کا ملتان میں قیام قابل تحسین ہے، سپورٹس رپوٹنگ سے وابستہ سینئر صحافی حضرات کی شمولیت سے ایسوسی ایشن کو چار چاند لگ گئے ہیں۔

انہوں نے چیئرمین جمشید رضوانی، صدر عمران عثمانی، سیکرٹری طاہر لطیف، ندیم قیصر، سینئر نائب صدر آغا شاہد عظیم نائب صدر ساجد شکیل جوائنٹ سیکرٹری، شاہد لودھی فنانس سیکرٹری، اظہار عباسی میڈیا کواڈینیٹر مجلس عاملہ کے ممبران آصف بلوچ سید ماذن، عامر چوہدری، عدنان خان، گوہر رحمان، شاہد صدیق، شکیل سلطان، احتشام الحق اور رفاقت انجم کو مبارکباد دیتے ہوئے امید ظاہر کی کہ ایسوسی ایشن کے عہدیداران مستقبل میں بھی اسی طرح کھیلوں کے فروغ اور کھلاڑیوں کی بہبود کے لیے اپنی خدمات احسن طریقے سے سر انجام دیتے رہیں گے۔