سکولوں میں کوڑا دان کی تنصیب لازمی قرار دے دی گئی

پنجاب حکومت نے تعلیمی اداروں میں ویسٹ سیگریگیشن کے لیے کوڑا دان کی تنصیب لازمی قرار دے دی۔

اس سلسلے میں جاری مراسلے میں ایجوکیشنل انسٹی ٹیوشنز میں ویسٹ مینجمنٹ کو یقینی بنانے کی ہدایت کی گےگئی، گرین کوڑا دان بائیوڈیگریڈیبل ،آرگینک ویسٹ کے لیے مختص کئے گئے، بلیو بن، ری سائیکل ایبل ویسٹ کاغذ، پلاسٹک، دھات، شیشہ کیلئے مخصوص کئے گئے، بلیک یا گرے بن، نان ری سائیکلیبل ویسٹ کیلئے استعمال ہوں گے۔

طلباء، اساتذہ اور وزیٹرز کو فضلہ ٹھکانے لگانے کیلئے رنگوں سے رہنمائی دینے کی ہدایت کی گئی،ای پی اے پنجاب کی ٹیمیں اداروں میں ویسٹ سیگریگیشن کی مانیٹرنگ کریں گی، ویسٹ سیگریگیشن پر عملدرآمد پر اداروں کو سرٹیفکیٹ جاری کیا جائے گا۔

سرٹیفکیٹ ماحولیاتی پائیداری میں ادارے کی شراکت کا اعتراف ہوگا۔