عیدالاضحیٰ کی 5 روزہ تعطیلات کا اعلان کردیا گیا

وفاقی حکومت نے عیدالاضحیٰ کے موقع پر سرکاری تعطیلات کا اعلان کردیا، عوام جمعہ 8 سے 12 جون تک عید کی چھٹیاں منائیں گے۔

وفاقی حکومت کی جانب سے جاری نوٹی فکیشن کے مطابق عیدالاضحیٰ کی تعطیلات کا آغاز 8 جون بروز جمعہ سے 12جون بروز منگل تک ہوگا۔

عید کی تعطیلات کا نوٹیفکیشن وزیراعظم آفس کی طرف سے جاری کیا گیا ہے، عید کی چھٹیاں عید سے دو روز قبل شروع ہوکر تیسرے روز تک ہوں گی۔