پوزیشن ہولڈر طلباء کو الیکٹرک سکوٹرز دینے کےحوالے سے تقریب
حکومت کے اقدام کے تحت تعلیمی کارکردگی کو سراہنے کے لیے پنجاب کے صوبائی بورڈز آف انٹرمیڈیٹ اینڈ سیکنڈری ایجوکیشن کےانٹر سالانہ امتحانات 2024ء کے پوزیشن ہولڈر طلباء کو الیکٹرک اسکوٹرز دینے کے حوالے سے ایک پروقار تقریب کا اہتما م تعلیی بورڈ ملتان کے کمیٹی روم میں کیا گیا۔
جس میں ملتان اور ڈیرہ غازی بورڈز کے گورنمنٹ کالجزکے پوزیشن ہولڈر طلباءوطالبات نے شرکت کی ۔
اس موقعہ پر تقریب سے چیئرمین تعلیمی بورڈ ملتان و کمشنر ملتان ڈویژن ملتان عامر کریم خان نے خطاب کرتے ہوے کہاکہ آج کی یہ پروقار تقریب دراصل ہمارے محنتی اور ہونہار طلباء کی کامیابیوں کا جشن ہے۔
الیکٹرک اسکوٹرز کی تقسیم نہ صرف ان کی محنت کا اعتراف ہے بلکہ ایک روشن اور پائیدار مستقبل کی طرف قدم بھی ہے، انہوں نے کہا کہ پوزیشن ہولڈر طلباء ہمارے ملک کا قیمتی سرمایہ ہیں، یہ نوجوان علم و ہنر سے آراستہ ہو کر وطن عزیز کو ترقی و خوشحالی کی راہوں پر گامزن کریں گے۔
عامر کریم خان نے مزید کہا کہ حکومت اور تعلیمی اداروں کا مقصد یہی ہے کہ طلباء کو سہولیات فراہم کر کے ان کی حوصلہ افزائی کی جائے تاکہ وہ مزید دلجمعی اور لگن کے ساتھ تعلیم حاصل کریں۔
اس موقع پر سیکرٹری تعلیمی بورڈ ملتان خرم شہزاد قریشی کنٹرولر امتحانات حامد سعید بھٹی اور انجینئرنگ ڈیویلپمنٹ بورڈ کی ممبر ہیرا منوراور دیگر بھی موجود تھے۔
