ویمن یونیورسٹی ملتان میں ایم فل کے داخلے کے لئے انٹری ٹیسٹ کا انعقاد
ترجمان خواتین یونیورسٹی کا کہنا ہے کہ ویمن یونیورسٹی ملتان میں بی ایس پانچواں سمسٹر میں داخلے ابھی جاری ہیں جس کی آخری تاریخ 11 اکتوبر ہے، اس وقت تک 11 ہزار سے زائد درخواستیں موصول ہو چکی ہیں۔ جبکہ نئے تعلیمی سیشن 2021، کے ایم فل کے ٹیسٹ کے نتائج کا اعلان کل ہو جائے گا۔
اس موقع پر رجسٹرار پروفیسر ڈاکٹر قمر رباب نے کہا ہے کہ اتنی تعداد میں درخواستوں کی وصولی ویمن یونیورسٹی ملتان کے بہترین معیار اور سازگار تعلیمی ماحول کی بدولت ہے۔اس وقت یونیورسٹی میں 24 بی ایس، 12 ایم فل اور 4 پی ایچ ڈی پروگراموں میں داخلے جاری رہے ہیں۔
وائس چانسلر پروفیسر ڈاکٹر عظمی قریشی کے ویژن کے مطابق ایسے پروگرام متعارف کرائے گئے ہیں جو مارکیٹ کی ضرویات سے ہم آہنگ ہیں اور فارغ التحصیل طلباء کو انٹرپرینورشپ اور روزگار کے مواقع فراہم کریں گے۔
ویمن یونیورسٹی ملتان نے کووڈ بحران میں بھی تعلیمی سرگرمیوں میں تعطل نہیں آنے دیا۔ آن لائن کلاسز اور امتحانات کی بدولت طالبات کا قیمتی وقت بچ گیا۔
اس کے علاوہ سپورٹس کی سہولیات بھی عالمی معیار کے مطابق ہیں۔ ہاسٹلز، میڈیکلز اور دیگر سہولتوں کے باعث ویمن یونیورسٹی ملتان ناصرف جنوبی پنجاب بلکہ پاکستان بھر سے آنے والے طالبات کے لیے پر کشش تعلیمی ادارہ بن چکی ہے۔
