زکریا یونیورسٹی : شعبہ کامرس کے زیراہتمام انٹرپرینور شپ گالا
بہاء الدین زکریایونیورسٹی ملتان شعبہ کامرس کے زیراہتمام انٹرپرینور شپ گالا کا انعقاد کیاگیا۔
وائس چانسلر پروفیسر ڈاکٹر منصور اکبر کنڈی نے انٹر پرینور گالا کا وزٹ کیا، اور طلباء طالبات کی جانب سے مختلف پراجیکٹس کے حوالے سے لگائے گئے ، سٹالز کا معائنہ کیا۔
طلباء طالبات نے سمال میڈیم لیول پر چھوٹے چھوٹے کاروبار شروع کرنے کے حوالے سے اپنی کاوشوں سے متعلق وائس چانسلر کو آگاہ کیا۔
اس موقع پر چیئرمین ڈاکٹر توصیف احمد ، ڈاکٹر مسعود الحسن ، ڈاکٹر محمد آصف ، ڈاکٹر محمد یسین ، ڈاکٹر ارسلان صدیقی ، ڈاکٹر ذیشان و دیگر موجود تھے۔
وائس چانسلر پروفیسر ڈاکٹر منصور اکبر کنڈی نے طلباء کی کاوشوں کو بے حد سراہا، اور کہاکہ ایسی تخلیقی سرگرمیوں سے طلباء کو نہ صرف آگے بڑھنے میں مدد حاصل ہوگی بلکہ وہ مستقبل قریب میں اپنا چھوٹا سا کاروبار باآسانی شروع کرسکتے ہیں ، لہذا تمام طلباء کو ایسی سرگرمیوں میں حصہ لینا چاہیے ۔
