جامعہ زکریا: امتحانات ملتوی؛ کلاسز آن لائن منتقل، عملہ حاضر رہے گا

زکریا یونیورسٹی کے زیر اہتمام ہونے والے امتحانات ملتوی، کلاسز آن لائن منتقل، عملہ حاضر رہے گا۔

تفصیل کے مطابق زکریا یونیورسٹی حکام نے حکومتی احکامات کے مطابق نئے ایس او پیز جاری کردیے۔

جاری مراسلے کےمطابق زکریا یونیورسٹی کی تمام کلاسز اور تعلیمی سرگرمیاں آج سے آن لائن ہوں گی، یونیورسٹی کے متعلقہ شعبہ جات اور الحاق شدہ کالجز اور شیڈول پی ایچ ڈی، ایم فل وغیرہ کے امتحانات ملتوی کردئے گئے جبکہ نئے شیڈول کا اعلان بعد میں کیا جائے گا۔

وائس چانسلر نے ہدایت جاری کی ہے کہ ڈین/پرنسپلز/ڈائریکٹرز/چیئرمینز/ایس ایم ٹیز اور ان کا عملہ اور انتظامی افسران اور ان کا عملہ دفتر میں حاضر رہے گا۔