جعلی انرولمنٹ میں ملوث سکول سربراہان کے خلاف سخت کارروائی کرنے کا فیصلہ

محکمہ سکولز نے ایسے سکولز سربراہان کے خلاف کارروائی کا فیصلہ کیا ہے جنہوں نے جعلی انرولمنٹ سے اپنی کارکردگی بہتر دکھانے کی کوشش کی۔

اس سے قبل صوبائی وزیر تعلیم رانا سکندر حیات سوشل میڈیا پر جعلی انرولمنٹ والے اساتذہ کے خلاف کارروائی اک عندیہ دیتے ہوئے کہا تھا کہ وہ سب پر نظر رکھے ہوئے ہیں، سکولوں میں انرولمنٹ 100 فیصد درست ہونی چاہیے، سکولوں میں جعلی انرولمنٹ کو کسی صورت برداشت نہیں کیا جائیگا۔

تعطیلات ختم ہوتے ہی سکولوں کی انسپکشن کی جائے گی جعلی انرولمنٹ کا انکشاف ہونے پر متعلقہ سکول سربراہان کیخلاف محکمانہ کارروائی ہوگی۔