ویمن یونیورسٹی کے شعبہ اردو میں الوداعیہ تقریب کا انعقاد

شعبہ اردو، دی ویمن یونیورسٹی ملتان کے زیر اہتمام بی ایس آٹھویں سمسٹر کی طالبات کے اعزاز میں ایک الوداعی تقریب کا انعقاد کیا گیا، جس کی صدارت صدر نشین شعبہ اردو ڈاکٹر عذرا لیاقت نے کی جبکہ شعبے کی سینئر استاد پروفیسر ایمرائٹس، ڈاکٹر شگفتہ حسین ، ڈاکٹر سارہ مجید ، ڈاکٹر شہلا اقبال اور مس نجمہ عثمان سمیت طالبات کی کثیر تعداد نے بھی َاس ظہرانے میں شرکت کی۔

تقریب میں طالبات نے جہاں شعبے اور اساتذہ کرام سے خراج تحسین کی صورت اپنی محبت کا اظہار کیا وہاں شعبے کی سربراہ اور دیگر اساتذہ کرام کی جانب سے بھی طالبات کو منزل کو پانے کے لیے ذوق مطالعہ کو بیدار رکھنے اور ملک وقوم کی خدمت کرنے کی تلقین کی گئی ۔