اسسٹنٹ ڈائریکٹر ریکوری مشتاق حسین گیلانی کی ریٹائرمنٹ پر تقریب کا انعقاد
ڈائریکٹر فنانس محمد سعید ڈوگر اور ڈائریکٹر انجینئرنگ واسا عبدالسلام نے کہا ہے کہ محنتی اور دیانت دار ملازمین کسی بھی ادارے کااثاثہ ہوتے ہیں ۔
سرکاری ملازم کی باعزت ریٹائرمنٹ بھی کسی اعزاز سے کم نہیں، ملازمت سے ریٹائرمنٹ زندگی کا ایک اہم پہلو جو ہر ملازم کی بڑی خواہش ہوتا ہے ۔
انہوں نے ان خیالات کا اظہار گزشتہ روز اسٹنٹ ڈائریکٹر ریکوری مشتاق حسین گیلانی کی ریٹائرمنٹ کے موقع پر منعقدہ الوداعی تقریب سے خطاب کرتے ہوئے کیا ۔
ڈپٹی ڈائریکٹر ریکوری عبدالمجید ،ڈپٹی ڈائریکٹر پی اینڈ ڈی محمد ندیم،ڈپٹی ڈائریکٹر ریکوری ہیڈکوارٹر حسن محمود بخاری،اسٹنٹ ڈائریکٹرز ریکوری رمیض ہاشمی،ہدایت اللہ خان سمیت دیگر ریکوری ملازمین بھی موقع پر موجود تھے۔
اس دوران مقررین نے مشتاق حسین گیلانی کی واسا کے لیے خدمات کو سراہتے ہوئے کہا کہ ان کی محکمہ کے لئے سروسز کو ہمیشہ ہمیشہ یاد رکھا جائے گا۔
بعد ازاں مشتاق حسین گیلانی نے اپنی ریٹائرمنٹ کے موقع تقریب کے انعقاد پر افسران اور ملازمین کا شکریہ ادا کیا۔
