پنجاب کے تیز ترین اتھیلیٹ کی تلاش شروع ہوگئی
ڈریکٹر جنرل سپورٹس اینڈ یوتھ افئیرز پنجاب کے زیر اہتمام تیز ترین ایتھلیٹ کی تلاش کے سلسلے میں پہلا چیف منسٹر پنجاب فاسٹ ٹیسٹ مین اینڈ وومن پنجاب ہنڈرڈ میٹر ایتھلیٹ چیمپئن شپ سترہ اور اٹھارہ ستمبر کو لاہور میں منعقد ہو گی ۔
جس میں پنجاب بھر کے تمام اضلاع کی ٹیمیں شرکت کریں گی ۔
عدنان نعیم ڈسٹرکٹ سپورٹس آفیسر ملتان کے مطابق ملتان کی ٹیم میں شمولیت کے خواہشمند مرد و خواتین کھلاڑی جو کہ بیس سال سے کم عمر ہو اپنے شناختی کارڈ یا ب فارم کے ہمراہ آج دن دس بجے ڈسڑکٹ سپورٹس کمپلیکس میں اپنے نام درج کروائیں۔
اندراج شدہ کھلاڑیوں کے سوموار 6 ستمبر 2021 صبح گیارہ بجے ڈسٹرکٹ سپورٹس کمپلیکس ملتان میں ٹرائلز لیے جائیں گے۔
ان میں منتخب ہونے والے خواتین و مرد کھلاڑیوں کو لاہور میں منعقد ہونے والے چیمپئن شپ میں ملتان کی نمائندگی کرنے کا موقع ملے گا ۔
واضح رہے کہ محکمہ جات کے وابستہ مرد و خواتین کھلاڑی اس چیمپئن شپ میں حصہ نہیں لے سکتے ۔
