نگران اساتذہ کو امتحانی ڈیوٹی کے معاوضوں پر غیر قانونی ٹیکس کٹوتی ختم کرنے کے احکامات جاری

فیڈرل ٹیکس محتسب کے مطابق نگران اساتذہ کو ملنے والی امتحانی ڈیوٹی فیس پر تنخواہ والا ٹیکس لاگو نہیں کیا جا سکتا، صرف وہی ٹیکس کٹوتی کی جائے گی جو قانون کے مطابق ہو فیصلے کے تحت امتحانی ڈیوٹی پر ہونے والی ناجائز کٹوتیوں کو فوری طور پر ختم کیا جائے گا اور ملتان بورڈ سمیت پنجاب بھر کے تمام تعلیمی بورڈز ان احکامات پر عمل درآمد کے پابند ہوں گے، محتسب نے اس معاملے پر 30 دن کے اندر تفصیلی رپورٹ طلب کرلی ہے۔

یاد رہے کہ اُساتذہ کی جانب سے طویل عرصے سے شکایت کی جا رہی تھی کہ انہیں امتحانات کی نگرانی، پرچوں کی چیکنگ اور دیگر ڈیوٹیوں کے بدلے جو معاوضہ دیا جاتا ہے اس پر بلاجواز ٹیکس کاٹ لیا جاتا ہے جو ان کے لیے معاشی دباؤ کا سبب بنتا ہے۔