فرانسیسی سفیر فبرک ڈائزدر کا ایمرسن یونیورسٹی ملتان کا دورہ
وائس چانسلر ایمرسن یونیورسٹی پروفیسر ڈاکٹر محمد رمضان نے مہمان سفیر کو یونیورسٹی میں پڑھائے جانے والے پی ایچ ڈی، ایم فل، اور بی ایس کے کورسز کے بارے میں تفصیلات فراہم کیں۔
انہوں نے طلباء کے لیے یونیورسٹی کی جانب سے کیے گئے اقدامات پر بھی روشنی ڈالی، فرانسیسی سفیر نے کمپیوٹنگ اور ایمرجنگ ٹیکنالوجیز کے شعبے میں گہری دلچسپی کا اظہار کیا اور وائس چانسلر کی قیادت میں کیے گئے اقدامات کو سراہا۔
ان کا کہنا تھا کہ فرانسیسی اساتذہ اور طلبہ پاکستان کے بڑے شہروں کی یونیورسٹیوں، جیسے کراچی، لاہور، اور اسلام آباد، کا دورہ کرتے ہیں، لیکن جنوبی پنجاب کی ایمرسن یونیورسٹی ملتان میں جدید تعلیمی معیارات اور سہولیات دیکھ کر وہ بے حد متاثر ہوئے ہیں۔
انہوں نے تجویز دی کہ مستقبل میں ایمرسن یونیورسٹی اور فرانسیسی یونیورسٹیوں کے مابین تعلیمی تعاون اور معاہدوں کو فروغ دینا چاہیے۔
اس موقع پر ڈپٹی ڈائریکٹر الائنس فرانس عمران رضا، کنٹرولر امتحانات افتاب احمد خاکوانی، چیئرمین کمپیوٹنگ اینڈ ایمرجنگ ڈیپارٹمنٹ ڈاکٹر سہیل رضا چوہان، پروفیسر ڈاکٹر فاروق اور آئی ٹی شعبے کے دیگر اساتذہ بھی موجود تھے۔
