مالی خسارے کا شکار ہائیر ایجوکیشن کمیشن نے اپنے ملازمین کےلئے ہیلتھ پالیسی کا اعلان کردیا

ایچ ای سی نے اپنے ملازمیں اور ان کے اہل خانہ کےلئے ہیلتھ پالیسی کا اعلان کردیا ہے، یہ فیصلہ ایچ ای سی کے 44ویں اجلاس کے دوران کیا گیا، جس کی صدارت ڈاکٹر مختار احمد نے کی۔

نئی پالیسی سے کنٹریکٹ ملازمین بلکہ چیئرپرسن اور ایگزیکٹو ڈائریکٹر سمیت اعلیٰ حکام بھی مستفید ہوں گے، اس اقدام کو بعض حلقوں کی جانب سے تنقید کا نشانہ بنایا گیا ہے، ان کا کہنا ہے کہ عارضی عملے کو معاہدے کے بعد اس طرح کے مراعات کی پیشکش مالی طور پر قابل عمل نہیں ہے، خاص طور پر جب یونیورسٹیوں کو پہلے ہی فنڈنگ کی کمی کا سامنا ہے۔

یاد رہے کہ بجٹ میں کٹوتیوں کی وجہ سے ایچ ای سی کو شدید مالی مشکلات کا سامنا ہے۔