مذاکرات کامیاب ہوگئے
پنجاب پروفیسر اینڈ لیکچرر ایسوسی ایشن اور ہائیر ایجوکیشن ڈیپارٹمنٹ میں میں مذاکرات کامیاب، مثبت پیش رفت اہم فیصلے کیے گئے۔
تفصیل کے مطابق پنجاب پروفیسرز اینڈ لیکچررز ایسوسی ایشن اور ہائیر ایجوکیشن ڈیپارٹمنٹ کے اعلیٰ حکام کے ساتھ مذاکرات کامیاب رہے، پیپلا کے وفد کی قیادت صدر پیپلا فائزہ رعنا کر رہی تھیں جبکہ جنرل سیکرٹری پیپلا محبوب عارف ۔سینئر نائب صدر شیر محمد گوندل ،صدر پیپلا لاہور ڈویژن حسن رشید ،صدر پیپلا سرگودھا ڈویژن ڈاکٹر حافظ محمد رمضان اور سیکرٹری اطلاعات انجم جیمز پال اورممپر ایگزیکٹیو طارق بلوچ وفد میں شامل تھے جبکہ سیکرٹری ہائیر ہائر ایجوکیشن غلام فرید ،ایڈیشنل سیکرٹری اعظم کمال ڈپٹی سیکرٹری محمد رضوان اور دو سیکشن آفیسران مذاکرت میں شامل تھے۔
دونوں فریق اس بات پر متفق ہوئے کہ پرموشن کے عمل کو تیز تر کیا جائے گا، پائپ لائن میں گریڈ اٹھارہ سے انیس میں پرموشن کے کیسز کو جلد صوبائی سلیکشن بورڈ سے کلیر کروایا جائے گا اور ان کی ایڈجسٹمنٹ میں اساتذہ کو سہولت دی جائے گی۔
گریڈ بیس میں ترقی پانے والی خواتین کے پوسٹنگ آرڈرز اگلے چند روز میں جاری کر دئیے جائیں گے، ایسوسی ایشن کی مشاورت سے ٹرانسفر پوسٹنگ پالیسی میں ترامیم کرکے اس کی منظوری لی جائے گی، اے سی آرز کی عدم دستیابی پرموشن کیسز میں تاخیر کا باعث بنتی ہے، لہذا ایسے تمام آفیسران جو اے سی آر نہیں لکھتے یا کونٹر سائن نہیں کرتے ان کے خلاف تادیبی کاروائی کی جائے گی۔
پے پروٹیکشن کے مسئلے کو اساتذہ کے مفادات میں سفارشات مرتب کرکے سمری وزیر اعلیٰ پنجاب کو بھجوائی جائے گی، پانچ درجاتی فارمولے پر ایک مشاورتی کمیٹی کی تشکیل کی جائے گی اور اس کی سفارشات کی روشنی میں اعلی حکام سے منظوری کے لیے سمری روانہ کی جائے گی۔
ریفکسیشن آف کیڈر اور اختیارات کی نچلی سطح تک منتقلی پر ضروری کام مکمل کر کے ان کے نوٹیفکیشن جاری کر دئیے جائیں گے۔
