سی ٹی آئز کی بھرتی؛ نئے ایس او پیز جاری
کالج ٹیچرز انٹرنیز کے امیدواروں کےلئے نئے ایس او پیز، زیادہ سے زیادہ 5 کالجز میں اپلائی کرسکیں گے ۔
تفصیل کے مطابق پنجاب بھر کے کالجز میں 7ہزار 300سے زائد کالج ٹیچرز انٹرن بھرتی کرنے کا عمل شروع ہے۔
امیدواروں کو محکمہ ہائیر ایجوکیشن نے پورٹل پردرخواستیں دینے کی ہدایت کی گئی ہے، کالج ٹیچرز انٹرن آٹھ ماہ کے لئے بھرتی کئے جائیں اور ماہانہ تنخواہ 50 ہزار روپے ہوگی۔
ہائیر یجوکیشن ڈیپارٹمنٹ بھرتی کے حوالے سے نئے طریقہ کار بارے مراسلہ جاری کردیا، جس میں کہا گیا ہے کہ صوبائی وزیر تعلیم کی مشاورت کے بعد نئے ایس اوپیز جاری کئے جارہے ہیں جس کے مطابق کوئی بھی درخواست دہندہ انتخاب کی ترجیح کے طور پر 05 سے زیادہ کالج نہیں دے سکتا ، ایک درخواست دہندہ اپنی پسند کے صرف دو اضلاع (کل 05 کالج) میں ترجیح دے سکتا ہے۔
اس لئے تمام درخواست دھندگان کو ہدایت کی گئی ہے اگرانہوں نے پہلے درخواست دے رکھی ہے تو وہ اپنی ترجیحات ک ازسرنو جائزہ لیں، امکان ہے کہ انکو نئی درخواست بھی فائل کرنی پڑسکتی ہے ۔
