جنوبی پنجاب کے ہائی اور ہائر سکینڈری سکولوں کو روزانہ کی بنیاد پر مانیٹر کرنے کا حکم جاری

ڈی پی آئی جنوبی پنجاب کی طرف سے جاری ہونے والے مراسلے میں کہاگیا ہے کہ سکولوں تعلیمی سیشن اس وقت ختم ہونے کے قریب ہے اس لئے ضروری ہے کہ سکولوں میں مانٹرنگ کو سخت کیا جائے ۔

کلاسز کی سرگرمیوں کو قریب سے مانیٹر کیا جائے ، اساتذہ کی کارکردگی کو بھی چیک کیا جائے۔

امتحان میں طلبا کی حاضری کو سو فیصد یقینی بنانے کےلئے اقدامات کئے جائیں۔

اس کےلئے ضروری ہے کہ مانیٹرنگ آفیسر سکولوں کی مینجمنت ، کلاس روم مینجمنٹ ، روزانہ ، ویکلی ٹسٹ سسٹم، انٹی ڈینگی سرگرمیاں،سپورٹس سرگرمیوں کا احیا، روشنی میگزین سیکورٹی اقدامات کا جائزہ لیا جائے ۔

تمام آفیسر کو ہدایت کی جاتی ہے کہ روزانہ کم سے کم دو دو سکولوں کا دورہ کیا جائے، اور اپنی سفارشات ساتھ رپورٹ ارسال کی جائے ۔