ایم ڈی کیٹ امتحان کے مراکز کی تعداد بڑھانے کا فیصلہ

حکومت نے میڈیکل اور ڈینٹل کالجز میں داخلے کے لیے ایم ڈی کیٹ امتحان کے مراکز کی تعداد بڑھانے کا فیصلہ کر لیا ہے۔

بتایا گیا ہے کہ ایم ڈی کیٹ کیلئے 4 سے 8 امتحانی سنٹر بڑھائے جائیں گے، یو ایچ ایس نے امتحانی سنٹر بڑھانے کیلئے محکمہ سپیشلائزڈ ہیلتھ کو استدعا کر دی، یو ایچ ایس کے تحت 13 شہروں کے 26 امتحانی مراکز پر امتحان لیا جارہا ہے۔

ایم ڈی کیٹ کیلئے رواں سال امتحانی مراکز 30 سے 34 کئے جائیں گے، امیدواروں کیلئے اپنے صوبے میں ہی امتحان دینے کی شرط سے تعداد بڑھنے کا امکان ہے۔

امیدواروں کی تعداد کے پیش نظر امتحانی مراکز میں اضافے کا فیصلہ کیا گیا۔