سوا دو ہزار اضافی کالج انٹرنیز کی ڈیمانڈ پر وضاحت طلب کرلی گئی

حکومت نے ڈویژنل ڈائریکٹرز کالجز سے اس سال سی ٹی آئی کی بھرتی میں اضافے کی وضاحت مانگ لی۔

ڈائریکٹر پبلک انسٹرکشن پنجاب ڈاکٹر انصر اظہر نے ڈویژنل ڈائریکٹرز کے نام مراسلے میں کہا ہے کہ سال دو ہزار 2025-26 کے لیے کالج ٹیچر انٹرنی کی9510 سیٹیں مانگی گئی ہیں جو گزشتہ سال کی نسبت 2370 سیٹیں زائد ہیں۔

گزشتہ سال 2024-25 کے لیے 7140 سیٹوں کا مطالبہ کیا گیا تھا، اس لئے فوری طور پر اس کی وجوہات فراہم کی جائیں تاکہ اعلیٰ حکام کو آگاہ کیا جاسکے ۔