انٹر کالجیٹ سکوائش چیمپئن شپ سنٹرل کالج نےجیت لی
زکریا یونیورسٹی ملتان کے اسکوائش اسپورٹس کمپلیکس میں انٹر کالجیٹ بوائز اسکوائش چیمپئن شپ منعقد ہوئی، مقابلوں میں چھ کالجز کی ٹیموں نے حصہ لیا جن میں سینٹرل کالج ملتان، پنجاب کالج ملتان، ایسپائر کالج ملتان، گورنمنٹ علمدار کالج ملتان، گورنمنٹ ولایت حسین کالج ملتان اور گورنمنٹ سول لائن کالج ملتان شامل تھے۔
چیمپئن شپ لیگ سسٹم کے تحت کھیلی گئی سنسنی خیز اور سخت مقابلوں کے بعد سینٹرل کالج ملتان نے چیمپئن کا ٹائٹل اپنے نام کرلیا، پنجاب کالج ملتان رنر اپ رہا جبکہ گورنمنٹ علمدار کالج ملتان نے تیسری پوزیشن حاصل کی۔
ٹورنامنٹ کے وینیو سپروائزر ملک غضنفر عباس راں نے انتظامات کا جائزہ لیتے ہوئے تمام ٹیموں کی کارکردگی کو سراہا اور امید ظاہر کی کہ ایسے مقابلے طلباء میں اسپورٹس کی ترویج میں اہم کردار ادا کریں گے۔
آخر میں کامیاب پوزیشن حاصل کرنے والی ٹیموں میں ٹرافیاں اور سرٹیفکیٹس بھی تقسیم کیے گئے۔
