انٹر کالجیٹ ریسلنگ چیمپئن شپ زکریا یونیورسٹی نے جیت لی

زکریا یونیورسٹی ملتان کے زیرِ اہتمام کھیلی گئی انٹر کالجیٹ ریسلنگ چیمپئن شپ بی زیڈ یو فیکلٹی ٹیم نے جیت لی، گورنمنٹ سول لائنز کالج ملتان رنر اپ رہا۔

مقابلے استاد زمن پہلوان اکھاڑہ و میٹ ریسلنگ سنٹر پر منعقد ہوئے۔

ڈائریکٹر سپورٹس زکریا یونیورسٹی ملتان ترس محی الدین اور گورنمنٹ سول لائنز کالج کے پروفیسر منظور حسین نے مقابلوں کی نگرانی کی ۔

ریفری کے فرائض انٹرنیشنل ریسلر حامد خان پہلوان اور حافظ منیب ریاض نے انجام دیئے ۔

نتائج کے مطابق مختلف ویٹ کیٹیگری میں پوزیشن حاصل کرنیوالے طالبعلمی ریسلرز میں علی سجاد۔محمد اویس۔ محمد طلحہٰ ۔ مظفر ۔ محمد قاسم۔ حامد علی۔ زوہیب احمد۔ انور خان ۔ عبداللہ اور حیدر محی الدین شامل ہیں۔