انٹر سکول ملتان ڈسڑکٹ بیس بال کا آغاز اٹھائیس فروری سے ہوگا

ملتان ڈسڑکٹ میں بیس بال اور آسڑیلین فٹی لیگ کی گراس روٹ لیول پر ترقی کے لیے سکولز کی سطح پر ٹورنامنٹس کا انعقاد کیا جارہا ہے۔

ان خیالات کا اظہار محمد جمیل کامران صدر ساوٴتھ پنجاب آسڑیلین فٹی لیگ و ڈائریکٹر پاکستان فیڈریشن آف بیس بال نے مختلف سکولوں کے سپورٹس انچارج صاحبان کے اجلاس سے خطاب کرتے ہوئے کیا۔

شرکاء اجلاس میں پائیلٹ سکول کے آصف اقبال۔ماڈل سکول گلگشت کے وجدان احمد۔عطاء فیص عام کے رانا عدنان ملت سکول کے رضوان توصیف۔رفاہ عام سکول کے صابر حسین چاون۔ملت سکول نیو ملتان کے محمد عرفان نشاط بوائز کے ثقلین حیدر۔ایم سی سکول آغا پورہ کے اشفاق انصاری۔مسلم سکول کے قیصر رضا۔گورنمنٹ سکول بھینی کے محند کاشف۔گورنمنٹ کمپیری ہنسیو سکول کے محمد عادل اقبال شامل تھے۔

جبکہ محمد شریف اے ای او فزیکل ایجوکیشن و پروگرام کواڈینیٹر اور فاروق لطیف ڈسڑکٹ سپورٹس آفیسر ملتان نے آن لائن شرکت کی۔

اجلاس میں 28 فروری سے ایجوکیشن ڈیپارٹمنٹ ملتان اور سپورٹس ڈیپارٹمنٹ ملتان کے زیر اہتمام سپورٹس کمپلیکس ملتان میں منعقد ہونے والی انٹر سکول ملتان ڈسڑکٹ بیس بال چیمپئن شپ اور یکم مارچ سے انٹر سکول ملتان ڈسڑکٹ اے ایف ایل فٹی لیگ ایونٹ کے انتظامات کو حتمی شکل دی گئی۔

جس کے مطابق ان دونوں ایونٹس میں ملتان ڈسڑکٹ کے مختلف سکولز شرکت کریں گے۔

جن کے درمیان مقابلہ جات منعقد کرائے جائیں گے اور جیتنے والی ٹیموں اور بہترین کھلاڑیوں کو خصوصی انعامات دیے جائیں گے۔ان ایونٹس میں سی ای او ایجوکیشن راؤ شمشیر خان خصوصی شرکت کریں گے۔

اس موقع پر آن لائن خطاب کرتے ہوئے محمد شریف اے ای او فزیکل ایجوکیشن نے تمام سکولوں کو ان دونوں ایونٹس میں بھرپور شرکت کرنے اور کامیاب کرنے کی ہدایت کی۔

فاروق لطیف نے سپورٹس ڈیپارٹمنٹ کے ہر ممکن تعاون کی یقین دہانی کرائی۔