انٹر کا رزلٹ چار ستمبر کو آئے گا

تعلیمی بورڈ ملتان کے زیر اہتمام انٹر میڈیٹ پارٹ سیکنڈ پہلا سالانہ امتحان 2024 کا رزلٹ 4 ستمبر کو جاری کیا جائے گا۔

جاری اعلامیہ میں کہا گیا ہے کہ رزلٹ کی سی ڈی کی قیمت مبلغ 300 روپے مقر رکی گی ہے، لہذا رزلٹ سی ڈی کی قیمت بذریعہ بینک چالان حبیب بینک بورڈ برانچ ملتان میں جمع کروا کر اصل بینک چالان کے ساتھ رزلٹ شائع ہونے کی تاریخ و مقررہ وقت پر سہولت مرکز ملتان بورڈ سے حاصل کی جاسکتی ہے۔

اس کے علاوہ رزلٹ بورڈ کی ویب سائیٹ پر بھی دیکھا جائے گا، ادارہ جات اپنے اُمیدواران کا رزلٹ اپنے پورٹل کے ذریعے معلوم کر سکتے ہیں اور پرائیویٹ امیدواران کو اپنا رزلٹ بورڈ کی ویب سائیٹ کے ذریعے معلوم کرنے کی سہولت مہیا کر دی جائے گی۔