جمعیت کا ٹرانسجینڈر ایکٹ کے خلاف احتجاج

اسلامی جمعیت طلبہ ملتان کے زیر اہتمام ٹرانسجینڈر ایکٹ کے خلاف احتجاجی مظاہرہ کیا گیا ۔

ولایت حسین کالج سے چونگی نمبر 9 پر اختتام ہوا ، جس میں ناظم اسلامی جمعیت طلبہ ملتان برادر حافظ مجاہد صالحین نے شرکاء کو مخاطب کرتے ہوئے کہا کہ ٹرانس جینڈر پروٹیکشن ایکٹ اسلام مخالف کالا قانون ہے ،جو انتہائی قابل مذمت ہے جو معاشرے میں بگاڑ کا سبب بن رہا ہے۔

یہ ایکٹ خواجہ سراؤں کے حقوق کی آڑ میں خاندانی نظام کو تباہ کرنے کی گھناؤنی سازش ہے حکومت ہوش کے ناخن لے ، اس قانون کو فی الفور واپس کیا جائے ۔

ورنہ اسلامی جمعیت طلبہ ملتان مقامی سطح پر زبردست احتجاج ریکارڈ کروائے گی، اور اگر ضرورت پڑی تو طلباء اسلام آباد پارلیمنٹ کا گھیراؤ کرینگے۔