جونیئر اساتذہ کی لاٹری لگ گئی
پنجاب بھر کے تعلیمی بورڈز کو عملے کی کمی دور کرنے کےلئے جونیئر اساتذہ کو سپرنٹنڈنٹ لگانے کی منظوری دے دی گئی۔
تفصیل کے مطابق میٹرک اور انٹر امتحان میں صوبہ بھر کے تعلیمی بورڈز کو عملے کی شدید قلت کا سامنا کرنا پڑتا ہے، خصوصاً ریٹائرڈ یا پرائیویٹ عملے پر پابندی کے بعد یہ کمی اور بھی بڑھ گئی، اب عملے کی شارٹیج کو پورا کرنے کیلئے جونیئر اساتذہ کو بھی امتحانات میں سپرنٹینڈنٹ تعینات کیا جاسکے گا۔
ذرائع کا کہنا ہے کہ تعلیمی بورڈز کو عملے کی شدید کمی اور سپرنٹینڈنٹ کیجانب سے امتحانی ڈیوٹی سے انکار پر تعلیمی بورڈز نے نوٹس لے لیا، اب عملے کی شارٹیج کو پورا کرنے کیلئے جونیئر اساتذہ کو بھی سپرنٹینڈنٹ لگایا جاسکے گا۔
پنجاب بورڈ کمیٹی آف چیرمین نے ای ایس ٹی اساتذہ کو بھی امتحانات میں سپرنٹینڈنٹ تعینات کرنے کی اجازت دے دی، ای ایس ٹی اساتذہ کو میٹرک اور انٹر دونوں امتحانات میں بطور سپرنٹینڈنٹ تعینات کیا جاسکے گا۔
اس سے قبل صرف ہیڈ ٹیچر یا ایس ایس ٹی اساتذہ کو ہی سپرنٹینڈنٹ تعینات کیا جاسکتا تھا۔
پی بی سی سی کے مطابق فیصلہ امتحانات میں عملے کی کمی کو پورا کرنے کیلئے کیا گیا ہے۔
