کراچی یونیورسٹی حملہ:خودکش بمبار خاتون کے خاندان کا کالعدم بی ایس او سے تعلق کا انکشاف

کراچی یونیورسٹی میں خودکش حملہ کرنے والی خاتون کے خاندان کے چند افراد کا کالعدم بی ایس او سے تعلق کا انکشاف سامنے آیا۔

کراچی یونیورسٹی خودکش دھماکے کی تحقیقات جاری ہے ، تحقیقاتی ذرائع نے بتایا ہے کہ حملہ آور کے خاندان سے چند افراد کالعدم بی ایس او سے تعلق رکھتے ہیں، امکان ہے انھی کے ذریعے خاتون کالعدم بی ایس او میں شامل ہوئیں۔

تحقیقاتی ذرائع کا کہنا تھا کہ خودکش خاتون حملہ آور ایک روز پہلے بھی جائے واردات پر موجود تھی، تاہم یہ حتمی نہیں کہا جاسکتا کہ وہ ریکی کر رہی تھی یا اس دن حملہ کرنے آئی، ہوسکتا ہے کہ دو روز قبل اسے حملے کا موقع نہ ملا ہو۔

ذرائع کے مطابق دوسری سی سی ٹی وی میں جوخاتون ہے اس متعلق متضاداطلاعات ہیں، وہ خاتون لفٹ لے کر اس مقام تک پہنچی تھی، اس خاتون نے جس سے لفٹ لی، اس سے500 روپے مانگے۔

تحقیقاتی ذرائع نے امکان ظاہر کیا کہ خاتون خودکش حملہ آور سے ملنے پر بھی پیسے مانگےہوں، فی الحال دوسری خاتون کو بھی کلین چاٹ نہیں دی جاسکتی۔