سرکاری سکولوں کے طلباء کے لئے آن لائن کلاسز کا اجراء نہ ہوسکا

سموگ کی وجہ سے چھٹیوں کے دوران بچوں کی آن لائن کلاسز کا فیصلہ کیا گیا تھا مگر ایک ہفتہ گزرنے کے بعد بھی آن لائن کلاسز کا اجراء نہ ہو سکا۔

ذرائع کا کہنا ہے کہ سکولوں میں آن لائن کلاسز کے لیے انفراسٹرکچر ہی نہیں ہے جبکہ اب بھی سہولیات نہ ہیں، سکولوں میں انٹرنیٹ کی سہولت زیادہ تر پرنسپل رومز تک محدود ہے۔

اساتذۃ کو کہنا ہے کہ 2010 کے بعد کمپیوٹر لیبز کو اپ گریڈ نہیں کیا گیا، کمپیوٹر لیبز اس قابل نہیں کے آن لائن کلاسز کا انعقاد کیا جائے، طلبہ کو واٹس ایپ کے ذریعے سے سبق شئیر کر رہے ہیں۔

واضح رہے کہ چھٹیوں کے باعث زیادہ تعلیمی حرج نویں اور دسویں جماعت کے طلبہ کا ہو رہا ہے، شہر میں انٹرنیٹ سگنلز ویک ہونے کی وجہ سے پرائیویٹ سکولوں کو بھی مشکلات کا سامنا ہے۔