لاہور ہائیکورٹ کے 13 ایڈیشنل ججز کی مستقلی : جوڈیشل کمیشن نے 11 ججز کو کنفرم دو کو فارغ کرنے کی سفارش کردی
![](https://dreporters.com/wp-content/uploads/2021/04/lahore-high-court-logo.png)
چیف جسٹس آف پاکستان کی زیرصدارت جوڈیشل کمیشن کا اجلاس ہوا، لاہور ہائیکورٹ کے 11 ایڈیشل ججز کنفرم جبکہ 2 کو فارغ کرنے کا کہہ دیا گیا۔
جوڈیشل کمیشن نے 11 ججز کو کنفرم کرنے کی سفارش کردی ، جسٹس شکیل احمد ،جسٹس صفدر سلیم شاہد ،جسٹس احمد ندیم ارشد ،جسٹس محمد طارق ندیم،جسٹس محمد امجد رفیق ،جسٹس عابد حسین چٹھہ، جسٹس انوار حسین ، جسٹس علی ضیاء باجوہ،جسٹس سلطان تنویر، جسٹس محمد رضا قریشی ، اور جسٹس راحیل کامران شیخ کو کنفرم کرنے کی سفارش کی گئی۔
جسٹس سہیل ناصر اور جسٹس محمد شان گل کو کنفرم نہیں کیا گیا۔
ہائیکورٹ کے 13 ایڈیشنل ججز 7 مئی 2021 کو تعینات کئے گئے, 13 ایڈیشنل ججز کو ایک سال کی مقررہ مدت کے بعد مزید 6 ماہ کی توسیع دی گئی تھی , مقررہ مدت 6 جون کو پوری ہورہی تھی۔
جوڈیشل کمیشن کے اجلاس میں سپریم کورٹ کے جسٹس قاضی فائز عیسی ، جسٹس سردار طارق مسعود نے شرکت کی. جسٹس سید منصور علی شاہ ، چیف جسٹس لاہور ہائیکورٹ بھی شریک ہوئے، ہائیکورٹ کے سنئیر ترین جج جسٹس ملک شہزاد احمد خان سمیت جوڈیشل کمیشن کے دیگر ممبران شرکت ہوئے.