زکریا یونیورسٹی کے ملازمین کےلئے الاؤنس کی کوششیں شروع

زکریا یونیورسٹی کے ایک سے 19 گریڈ تک کے ملازمین کو خصوصی الاؤنس دینے کےلئے ایچ ای ڈی کو مراسلہ تحریر کردیا گیا۔

بتایا گیا ہے کہ زکریا یونیورسٹی کی سینڈیکیٹ نے حکومت کی طرف سے جاری کردہ ایس اوپیز کے مدنظر رکھتے ہوئے خصوصی الاؤنس دینے کی منظوری دے دی ، جس کے مطابق ایسے ملازمین کسی لانگ لیو پر نہ ہو، انکم ٹیکس دیتے ہوں،اور وہ ڈیپوٹیشن پر نہ ہو اور کوئی دوسرا الاؤنس نہ لے رہے ہوں وہ خصوصی الاونس کے حقدار ہوں گے۔

جس پر 25 مارچ کو ہونے والی سینڈیکیٹ نے الاؤنس کی منظوری دی ، جبکہ 2022 میں یونیورسٹی سینٹ اس کی پہلے ہی مشروط منظوری دے چکی ہے۔

اس لئے آپ کو درخواست کی جاتی ہے کہ گورنر سے حتمی منظوری لیکر مراسلہ جاری کیا جائے تاکہ ملازمین کا دیرینہ مطالبہ پورا ہوسکے ۔