فیڈرل ایجوکیشن بورڈ اور لمز نے پاکستان کے پہلے ریاضی اولمپیاڈ کا اعلان کردیا

فیڈرل بورڈ آف انٹرمیڈیٹ اینڈ سیکنڈری ایجوکیشن (ایف بی آئی ایس ای) اور لاہور یونیورسٹی آف مینجمنٹ سائنسز نے پاکستان کے پہلے قومی سطح کے "پاکستان میتھمیٹکس اولمپیاڈ” کے آغاز کا اعلان کیا ہے۔

ددسمبر کے وسط میں منعقد ہونے والے مقابلہ کا مقصد ملک بھر کے ہائی اسکول کے طلباء میں ریاضی کی مہارت کی حوصلہ افزائی کرنا ہے، سیکنڈری سکول سرٹیفکیٹ ،او لیول، اور ہائر سیکنڈری سکول سرٹیفکیٹ یا اے لیول کے ساتھ ساتھ ملک بھر کے تمام تعلیمی سلسلے سے مساوی قابلیت میں داخلہ لینے والے تمام طلباء کےلئے یہ مقابلہ کھلا ہوگا۔

مقابلے کے لیے رجسٹریشن فیس فی امیدوار 1000 مقرر کی گئی ہے۔