ملتان سمیت پنجاب بھر کے میٹرک سیکنڈ اینول امتحانات 29 ستمبر سے شروع ہوں گے
ترجمان ملتان بورڈ کے مطابق پرائیویٹ امیدواران کی رولنمبر سلپس ان کے مہیا کردہ پتہ جات پر بذریعہ ڈاک ارسال کر دی گئی ہیں۔
رولنمبر سلپس بذریعہ ڈاک موصول نہ ہونے کی صورت میں اپنا داخلہ فارم نمبر اور ٹوکن نمبر فیڈ کر کے تعلیمی بورڈ ملتان کی ویب سائیٹ سے آن لائن سسٹم کے ذریعے اپنی رولنمبر سلپس ڈاون لوڈ کی جاسکتی ہیں۔
سرکاری / الحاق شدہ ادارہ جات کے سربراہان اپنے ادارے کے ریگولر طلباء/ طالبات کی رولنمبر سلپس تعلیمی بورڈ ملتان کی و یب سائیٹ سے آن لائن سسٹم کے ذریعے ڈائون لوڈ کر کے پرنٹ حاصل کر لیں، اگر کسی امیدوار کی رو لنمبر سلپ بلاک کی گئی ہو یا کسی قسم کی درستی مطلوب ہو یا کسی پرائیویٹ امیدوار کے کوائف آن لائن سسٹم میں بھی موجود نہ ہوں تو وہ فوری طور پر ( میٹرک برانچ) ثانوی و اعلیٰ ثانوی تعلیمی بورڈ ،ملتان سے رابطہ کرکے اپنا اعتراض دور کلیئر کروائیں تاکہ اُ ن کی رولنمبر سلپس جاری ہو سکیں۔
امیدواران کو ہدایت کی جاتی ہے کہ وہ اپنی دو عدد تازہ رنگین مصدقہ تصاویر امتحانی سنٹر میں لے کر جائیں۔
دوسری طرف سیکرٹری بورڈ ملتان خرم شہزاد قریشی کا کہنا ہے کہاحساس امتحانی مراکز میں کیمروں کے ذریعے آن لائن مانیٹرنگ کا انتظام کیا گیا، ضلعی سطح پر کنٹرول روم قائم، مرکزی کنٹرول روم بورڈ کمپلیکس میں فعال کیا گیا۔
امتحانی عمل کی نگرانی کے لیے اسپیشل اسکواڈ اور موبائل انسپکٹر تعینات ہیں، وزیر اعلیٰ پنجاب مریم نواز کے ویژن کے تحت امتحانات کو فول پروف بنایا گیا، امتحانی عملے کی فہرستیں اسپیشل برانچ کو ارسال کر دی گئیں۔
