میپکو نے کاشتکاروں کے لئے ریلیف پیکج کا اعلان کردیا

ملتان الیکٹرک پاورکمپنی (میپکو) نے ریجن بھر کے کاشتکاروں کے لئے ریلیف پیکج کا اعلان کردیا ہے ۔
30ستمبر 2021ء تک اپنے ذمہ واجب الادا رقوم یکمشت اداکرنے والے نادہندہ زرعی ٹیوب ویل صارفین کا اب تک بجلی بلوں پر عائد کردہ لیٹ پے منٹ سرچارج(LPS) معاف کیاجائیگا ۔
میپکو ریجن کے زیر انتظام 9 آپریشن سرکلوں ملتان، ڈی جی خان، وہاڑی، بہاولپور، ساہیوال، رحیم یار خان، مظفرگڑھ، بہاولنگر اور خانیوال کے ایسے نادہندہ ٹیوب ویل صارفین جوب30ستمبر 2021ء تک اپنے بقایاجات /واجبات یکمشت اداکریں گے، ان کے بلوں پر عائد ایل پی ایس معاف کیاجائیگا ۔
بلوں کی ادائیگی کرنے والے زرعی صارفین سرچارج معاف کروانے کے لئے اپنے متعلقہ ڈویژنل آفس سے دفتری اوقات میں رابطہ کرسکتے ہیں ۔
واضح رہے کہ زرعی ٹیوب ویل صارفین کو یہ رعایت 30ستمبر 2021ء تک اداکئے گئے بلوں پر دی جائے گی ۔