سوئی گیس میٹر پر غیر قانونی کمپریسر کے استعمال پر 23 میٹر اتر گئے

جنرل منیجر سوئی گیس ملتان ریجن شہزاد اقبال لون کی ہدایت پر سوئی گیس میٹر پر غیر قانونی کمپریسر کے استعمال کے خلا ف کریک ڈاؤن کا سلسلہ جاری ہے ۔

گزشتہ روز ملتان ریجن میں 23 گیس میٹرز منقطع کئے گئے۔

گزشتہ روز سوئی گیس کی ٹیموں نے غیر قانونی طور پر کمپریسر کے استعمال پر ملتان شہر میں 15 ، میاں چنوں میں 6 اور ڈیرہ غازی خان میں دو گیس میٹرز کو منقطع کیا۔

اس موقع پر جنرل منیجر شہزاد اقبال لون نے کہا کہ گیس میٹر پر کمپریسر کے غیر قانونی استعمال کے خلاف آپریشن جاری رہے گا ۔

کریک ڈاؤن کا مقصد عوام کو طے شدہ شیڈول کے مطابق مطلوبہ گیس پریشر مہیا کرنا ہے۔