وزارتِ مذہبی امور نے غیر مسلم طلباء کیلئے چھ کروڑ کے تعلیمی وظائف کا اعلان کردیا

رواں مالی سال کے تعلیمی وظائف کی درخواستیں وزارت کی ویب سائٹ پر آن لائن جمع ہوں گی۔

ترجمان کے مطابق اقلیتی طلباء کو آمدن سرٹیفیکیٹ، تعلیمی ادارے سے توثیق اورذاتی/جوائنٹ بینک اکاونٹ کی تفصیل مہیا کرنا ہو گی۔

ترجمان نے کہا کہ رواں مالی سال میں غیر مسلم طلباء کے وظائف کیلئے 60 ملین روپے مختص ہیں پرائمری تا پروفیشنل سطح کی سرکاری درسگاہوں میں زیرتعلیم غیرمسلم طلبہ وظائف کے اہل ہوں گے۔