ایم این ایس زرعی یونیورسٹی کا فلڈ ریلیف کیمپ قائم

ایم این ایس زرعی یونیورسٹی کی جانب سے جلالپور پیر والا کے سیلاب زدہ علاقوں میں فلڈ ریلیف کیمپ لگایا گیا، جس میں سیلاب زدہ مال مویشیوں کو ابتدائی طبی امداد فراہم کی جا رہی ہے۔

کیمپ پر صاف پانی کی 5لیٹر والی کین تقسیم کی گئیں اور بچوں میں کھانے کی اشیاء تقسیم کی گئیں، مقامی افراد نے یونیورسٹی کی اس کاوش کو سراہتے ہوئے رئیس جامعہ پروفیسر ڈاکٹر ذوالفقار علی کا شکریہ ادا کیا جن کی ہدایت پر اس فلاحی کیمپ کا اہتمام کیا گیا۔

ڈاکٹر وزیر احمد ،محمود عالم ،ڈاکٹر عثمان جمشید، ڈاکٹر عمر اعجاز ،عابد رضا،ڈاکٹر عمیر ،ڈاکٹر ناصر نیاز اور سکاوٹس طلباء نے رضاکارانہ خدمات انجام دیں۔