ملتان ویمن کرکٹ ٹورنامنٹ کی میزبانی کےلئے تیار
شہر اولیاء کا کرکٹ گراؤنڈ وومن ٹی ٹونٹی ٹورنامنٹ کی میزبانی کیلئے تیار، انتظامات کو حتمی شکل دینے کے لئے کمیٹیاں قائم
تفصیل کے مطابق پاکستان اور جنوبی افریقہ کی خواتیں کرکٹ ٹیموں کے درمیان تین ٹوئنٹی 20 میچ کےلئے ملتان میں تیاریاں شروع کردی گئیں۔
جنوبی افریقہ وومن کرکٹ ٹیم اور پاک خواتین ٹیم میں 3 ٹی ٹونٹی میچ کھیلے جائیں گے 16 ،18 اور 20 ستمبر کو ملتان کرکٹ اسٹیڈیم میں خواتین کرکٹ ٹیمیں ٹکرائیں گی، ضلعی انتظامیہ نے 16 ستمبر سے شروع ٹی ٹوینٹی کرکٹ میلے کے انتظامات شروع کردیے۔
ڈپٹی کمشنر وسیم حامد سندھو کی صدارت میں پی سی بی اور ضلعی انتظامیہ کا اجلاس منعقد ہوا، ڈپٹی کمشنر نے وومن کرکٹ میلے کے سلسلے میں شہر اور روٹس کی بھرپور سجاوٹ کا حکم دیا اور ہدایت کی کہ مہمان کرکٹ ٹیموں اور آفیشلز کی سیکورٹی ریڈ الرٹ رکھی جائے گی، شائقین کرکٹ کو سٹیڈیم میں پر امن اور پر لطف ماحول فراہم کرینگے، انہوں نے کرکٹ سٹیڈیم کی صفائی اور روٹس پر انتظامات کی ڈیڈ لائن دے دی۔
