ڈسٹرکٹ ٹی 20 کرکٹ چیمپئن شپ کا آج آغاز ہوگا

ملتان ڈسٹرکٹ کرکٹ ایسوسی ایشن کے زیر اہتمام ملتان ڈسٹرکٹ ٹی 20 کرکٹ چیمپین شپ 2025 کا باقاعدہ آغاز آج ایم سی جی گراونڈ نواں شہر ملتان میں شروع ہوگا۔

افتتاحی روز دو میچز کھیلے جائیں گے، پہلا میچ کمبائنڈ ینگسٹر اور جناح کلب ملتان جبکہ دوسرا کمبائنڈ الیون اور ہما میموریل کرکٹ کلب کے درمیان کھیلا جائے گا۔

افتتاحی روز کے مہمان خصوصی عدنان نعیم ڈسٹرکٹ سپورٹس آفیسر ملتان ہونگے ان کے ہمراہ صدر ملتان ڈسٹرکٹ کرکٹ ایسوِسی ایشن محمد ارسلان خان و دیگر ممبران بھی موجود ہونگے۔

واضح رہے کہ اس ایونٹ میں ملتان کے 47 کلب حصہ لے رہے ہیں جن کو بارہ گروپ میں تقسیم کیا گیا ہے ہر گروپ سے ایک کلب اگلے راونڈ کے لیے کوالیفائی کے گی ۔