فٹبال ٹیم کے چناؤ کےلئے ٹرائلز کاانعقاد
ملتان ڈویژن کی فٹبال ٹیم کے چناؤ کے لئے ایک روزہ ٹرائلز گزشتہ شب ڈویژنل سپورٹس گراونڈ میں منعقد ہوئے، جس میں ساٹھ سے زائد فٹبالرز نے حصہ لیا ۔
چیئرمین سلیکشن کمیٹی میاں جاوید قریشی ارکان رانا باقر علی، عارف محمود، نوید اکرم سابق انٹرنیشنل فٹبالرز نے کھلاڑیوں کی کارکردگی کا جائزہ لیا۔
ٹیم حتمی مراحل کے بعد تین اپریل کو رمضان کپ ڈویژنل فٹبال چیمپئین شپ میں شرکت کے لئے لاہور روانہ ہوگی۔
ایونٹ 4 تا 7 اپریل تک ہوگا ٹیم کے کوچ محمد جنید، مینجر رانا مشتاق ہوں گے۔
اس موقع پر خطاب کرتے ہوئے میاں جاوید قریشی نے کہا کہ ٹیم باصلاحیت کھلاڑیوں پر مشتمل ہے۔
حال ہی میں ملتان ڈویژن کی ٹیم لاہور سے ڈویژنل ٹورنامنٹ جیت کر آئی تھی اب بھی ٹیم سے بڑی توقعات ہیں ٹیم شاندار کارکردگی کی بدولت ٹرافی ملتان لائے گی۔
ٹرائلز کے مہمان خصوصی شکیل انجم ایڈووکیٹ تھے۔اس موقع پر شیخ مقیم،ساجد علی قریشی،رانا کاشف، جاوید قریشی ایڈووکیٹ موجود تھے۔
