ملتان ڈویژن میں ریل آپریشنز اور مسافر سہولیات کا جامع معائنہ، بغیر ٹکٹ سفر کرنے والوں کے خلاف موثر کارروائی
ڈویژنل سپرنٹنڈنٹ مسٹر افتخار حسین کی ہدایات پر ڈویژنل افسران نے ملتان سے روانہ ہونے والی مختلف ٹرینوں کا تفصیلی معائنہ کیا، معائنے کے دوران متعلقہ عملے کی مدد سے تکنیکی خرابیوں کو فوری طور پر دور کیا گیا، جبکہ ٹرینوں کی بروقت روانگی اور مجموعی آپریشنل معاملات کا بھی بغور جائزہ لیا گیا۔
اس موقع پر ڈویژنل ٹرانسپورٹیشن آفیسر سجاد احمد واگھو اور ڈویژنل مکینیکل آفیسر سیف اللہ جمالی بھی موجود رہے۔
علاوہ ازیں، ڈویژنل کمرشل آفیسر رملا شاہد راؤ نے سٹیشن کا دورہ کیا، مسافروں کو فراہم کردہ سہولیات کا معائنہ کیا اور موقع پر موجود سٹیشن سپرنٹنڈنٹ کو ہدایت کی کہ کسی بھی شکایت کا فوری اور موثر طور پر ازالہ یقینی بنایا جائے۔
دریں اثنا، ڈی سی او ملتان نے 12 جنوری 2026 کو کیے گئے اچانک چیکنگ کے دوران مختلف ٹرینوں پر سفر کرنے والے بغیر ٹکٹ مسافروں کے خلاف کارروائی کی کل 126 مقدمات درج کیے گئے۔ 193,950 روپے کرایہ کے طور پر وصول کیے گئے، جبکہ 21,790 روپے جرمانے کے طور پر اکٹھے کیے گئے، اس طرح کل 215,740 روپے قومی خزانے میں جمع کرائے گئے۔
